Si ATTY. LEVITO D. BALIGOD

Nagdako sa Tuao, Cagayan, si Atty. Levito D. Baligod. Naay solidong kasinatian sulod sa 25 ka tuig isip abogado.

Ni-gradweyt sya sa kursong Economics ug Political Science sa University of the Philippines (U.P.). Ni-gradweyt sya sa U.P. ROTC Advance Military Science Course. Mitiwas og abogasya niadtong 1999 unya nipasar siya sa pareho nga tuig 1999 sa Philippine Bar Examinations. Nakahuman sad siya og Executive Course sa National Security sa National Defense College of the Philippines, Department of National Defense.

Siya ang nag-inusarang Private Complainant sa Napoles-PDAF scam kung diin iyang gisang-atan og kaso ang mga congressman ug senador nga nangawat sa kwarta sa gobyerno gikan sa Priority Development Assistance Fund (PDAF). Iyang napa-preso ang mga dagkung pulitiko sama ni Sen. Juan Ponce Enrile, Sen. Bong Revilla ug Sen. Jiggoy Estrada. Siya ang nangabogado sa mga biktima sa gihimo nga mga pagpatay ni kanhi Negros Oriental congressman Arnie Teves nga diin nabilanggo ang iyang kaubanan.

Mituo si Atty. Baligod nga usa sa dakung hinungdan sa gutom ug kawad-on sa katawhan mao ang mga political dynasty—mga pamilya nga gihimong negosyo ang pwesto sa gobyerno. Mituo sya nga ang pagpalayas sa mga kawatan ug criminal sulod sa gobyerno maoy hingpit nga pamaagi para mobalik ang pagsalig sa katawhan sa gobyerno ug mga balaod. Hugot ang pagtuo ni Atty. Levi Baligod nga naa sa katawhan ang gahum para wagtangon ang political dynasty pinaagi sa dili pagbotar sa mga sakop niini.

Si Atty. Levi Baligod ug iyang asawa nga si Malot Veloso Galenzoga-Baligod gapuyo sa Baybay, Leyte kuyog sa ilang lima ka anak. Naa silay mga Negosyo sa power generation og mga 7-Eleven stores sa Ormoc City, Southern Leyte, og sa tibuok lungsod sa Kinto Distrito, Leyte. Ang panginabuhi nila naga gikan sa ilang mga kaugalingong mga negosyo sama sa walo nila Cali’s Roast and Grill House og Glowish nga usa ka pabrika sa sabon.